كشف الطفل محمد صاحب فيديو بسنت الشهير، تفاصيل الواقعة، قائلا: “بسنت بتحبني وقصة حبي لـها حقيقية وهي معايا في الحضانة”.
وقال محمد في حواره مع الإعلامية ريهام سعيد في برنامج “صبايا الخير” المذاع على قناة “النهار” مساء اليوم: “قلت لبابا يديني فلوس عشان أجيب شيكولاتة وهدايا لبسنت.. و كنت عارف إن بابا
كان بيصورني في الفيديو وطلبت منه إرسال الفيديوهات دي لـبسنت”.
وتابع:” ياسين ضربني بالبوكس في أسناني عشان أنا بحب بسنت وياسين بلطجي وعمره ما يكون طفل”، موجها لـ بسنت قائلا: “أنا مكنتش عايزك تمسحي الدم من وشي عشان متزعليش مني وأول
لما أذاكر بلاقي نفسي بفكر فيكي بس “.
وكان المطرب الشعبي حسام الشرقاوي، والد الطفل محمد صاحب فيديوهات “محمد وبسنت”، قدم اعتذاره للمجلس القومي للأمومة والطفولة بعد انتقاده للفيديوهات التي انتشرت لنجله.
وقال “الشرقاوي”: “أعتذر وأبوس دماغ المجلس القومي، وأي حاجة المجلس القومي شايفها ضدي أنا موافق عليها، وبحترم وجهة نظرهم.. بعتذر ألف اعتذار، ولو أنا عملت حاجة مش واخد بالي منها فانتم بتحافظوا على أطفالنا والجيل الجديد”.
[ad_1]