بقلم : عمرو الحكيم
ايدك فى ايدنا يا امنا
قومي يا مصر وانهضى
واذا كان لاجلك حتفنا… مشاهدة المزيد
أوعى علينا تعددي
00000
يا مصر ارفعى سيفك الى دخل غمده
راح نمشي على كيفك للحق اللى بنسنده
احنا علينا السعى والنصر من عنده
الرب ليه السبب والشر مين خمده
00000
يا مصر يالى كسرتى شوكة التتار
وسيف الصليب ليكي انكسر واختار
وعقل بنى صهيون منك يشت وطار
والى يفكر يضرك بندقله مسمار
00000
يا جنة فى الارض يتحاكى بيها الزمان
يالى من عزك وفخرك ابنك معجبان
واللى بناكى يامصر حلوانى كان فنان
راجل شديد العمل بمسكك صبح عرقان
000000
يا ارض الرباط منك كسوة الكعبة
قطيفة وحرير وخيوط دهب كعبة
بعير المحمل يطوف طرق واعرة
وفى مكة يوصل محملك وتنكسي الكعبة
00000
يا مصر يالله تعالى0000 وغطينا
وخمارك الاخضر يلمنا00 يدفينا
تجلى عليكى الرب وقعت جبال سينا
يابلادى فين ملكك فين الملك مينا
000000
لو تصرخى مرة يهب منا أسود
ضد عداكى نكون فرسان حديد وحدود
الصخر منا أتخلق وبيبنوا منا سدود
العزم هو قشرنا والصلب منا جلود
00000000
عاوزين نعمل صناعة وكفاية كدا عالصين
الدين سلاسل فظاعة وقروضه سجن سنين
نشترى بلاستيك زبالة من فلوس المحرومين
وديون بتتراكم علينا وولادنا ليها مملوكين
00000
وايدين بتلعب تخرب من لوبي ولاد صهيون
وخطط ابالسة تقرب ينسجها لينا ماسون
وشيعة تنبح علينا وسهمهم مسنون
انتى يا مصر العين واحنا الغطا والجفون
000000
لو تندهى ندهة ينفر ليكي الرجال
يا م الاطفال حجارة يترجم بيها العيال
وكسرك يا بلدى على مر التاريخ محال
يغنيكي ربنا بينا يكفيكي شر السؤال
00000
عاوزين يا بلدى نعافر
ونبنى الحضارة من جديد
ونقوم من تحت الحوافر
الى خطاها شديد
000000
يالى شمسك دهب وشعاعها الماظك
يالى ترابك زعفران بيحبها حجازك
يالى نيلك ميه طاهر تتعبى فى قزازك
يكفيك شر النتن00ياهو الى فى يوم غاظك
00000
جيشك يا مصر فهود انيابها جبارة
وغضبك يا مصر زئير على العدو غارة
علمك شرف مطبوع جوا الفؤاد شارة
تنقطع عنك ايدين خوانة غدارة
0000000
هزي نخيل البلح وشجر البرتقان
ودقى حديد الصخر راح ينفجر بركان
ايمان ولادك ندا يخضر بيه بستان
وبركتك ميه بترطب العطشان
000000
حفظى عليه نيلك من لعب كل جنان
وشاورى انا اجيلك اسقيكى مالحرمان
الايد سلاح الحق تحمى ضعيف هفتان
ولو راح تقولى لأ هاتسترى العريان
0000
يا مارد اصحى واضرب شمال ويمين
قطع سلاسل ايدك وصحى النايمين
اعزق ارضك بفاسك تطرحلك الباستين
وانظر بعين الغضب تتزل لك شياطين
