بقلم الشاعر المبدع / أشرف رفعت خوينس
الاسم آيه الرقه آيه وش السعد هى الوعد ومنايه
النظره فى وشها تصبح امل وطموح
لجل البشاشة والبراءة على وش صافى صبوح
بنتى واختى ولعبتى وكل حلم جميل
ابوسها فى الصبح وابوسها فى الضهر تبوسنى اخر الليل
تنطق تتأتـأ تـلألأ يطلع كلام معسول
افرح وقول ياقمر دى آيه بنت اصول
هدية المولى علشانى وفيها يحلى القول
اجمل مافى العنقود خفه وبراءه وعود
وحب ماله حدود
بتحب عبد الله تعشق عيون محمود
فى ميلادها شوفت الخير
ذاد الكرم والجود
والرزق غطا وذاد اجمل عيون مولود
ياوش السعد ياسعدى
داسعدك فى الحياه وعدى
وعزة ربنا المعبود
بحبك حب ماله حدود
وهبزل فى الحياه جهدى
اربيكى على الاسلام
تذكى وتحفظى القرآن
ولجل تعيشى مستوره
واوصل بيكى شط امان
راح اختار لك عريس طيب
يكون انسان
يكون مخلص يكون صافى
يكون متربى عالاسلام
يآيه يامنية الحاضر
ياحب فى قلبى متصادر
بحس بحرقه فى غيابك
وقول للفرقه موش قادر
ياسعدى وفرحى ومنايه
يازينة دنيتى ياآيه
