بقلم: إسلام أحمد الديب

أيام قليلة تفصلنا عن انطلاق أولى مراحل التصويت في انتخابات مجلس الشيوخ 2025، حيث يتنافس عدد كبير من رجال الأعمال، والسياسيين، والصحفيين، وأصحاب المصالح، من أجل الوصول إلى مقعد يمنح صاحبه وجاهة سياسية ونفوذًا معتبرًا تحت مسمى “نائب برلماني”.

لكن السؤال الأهم: حضرتك كمواطن.. هتنتخب على أي أساس؟هل بناءً على العصبية القبلية؟ولا لأنه “عضو سابق وواخد على المجلس”؟

ولا استكمالًا لمسيرة أحد أفراد العائلة؟ولا هتختار مرشح شايف إنه مؤهل يمثل صوتك تحت قبة البرلمان؟قبل ما تروح تنتخب، لازم تكون عارف اختصاصات مجلس الشيوخ ودوره، علشان تقدر تختار المرشح اللي يقدر يؤدي مهامه بجد، مش اللي اعتدنا نحصر دوره في حاجات ملهاش علاقة بالبرلمان.المرشح مش دوره يحضر فرح، أو يعزي في جنازة، أو يخلّص مخالفة في الوحدة المحلية، أو “يطلّع حد” من قسم الشرطة، أو يحضر جلسات صلح على سبيل المجاملة!

للأسف دي المفاهيم اللي خلت ناس تفتكر إن دي هي وظيفة النائب، وده أكبر خطر على مفهوم التمثيل البرلماني الحقيقي.طيب.. إيه هو فعلاً دور النائب في مجلس الشيوخ؟القانون حدد لمجلس الشيوخ 8 اختصاصات رئيسية، وهي:

1. دراسة واقتراح ما يدعم توسيع دعائم الديمقراطية.

2. دعم السلام الاجتماعي، والمقومات الأساسية للمجتمع، وقيمه العليا.

3. تعميق النظام الديمقراطي وتوسيع مجالاته.

4. إبداء الرأي في اقتراحات تعديل مواد الدستور.

5. إبداء الرأي في مشروعات خطط التنمية الاقتصادية والاجتماعية.

6. مناقشة معاهدات الصلح والتحالف والمعاهدات الخاصة بحقوق السيادة.

7. إبداء الرأي في مشروعات القوانين المكملة للدستور.

8. مناقشة ما يُحال إليه من رئيس الجمهورية بشأن السياسة العامة للدولة.طيب تعمل إيه كمواطن واعي؟

قبل ما تنتخب:اسأل عن مرشحك، واعرف برنامجه الانتخابي.شوف مين الفريق اللي هيشتغل معاه.لو مرشح قديم، اسأله: “إيه الجديد؟”دور على مشاركاته السابقة في الجلسات (موجودة على الإنترنت).شوف اتكلم في إيه، وكان إيه دوره، وهل فعلاً اشتغل على الملفات المهمة ولا لأ.

من حقك تعرف مين اللي هيمثلك وتثق فيه.

ومن واجبك تختار بوعي، لأن صوتك أمانة