بقلم : مجاهد هيثم مجاهد
كل ما ابعد عن عينيك
قلبي بيزيد حبه ليك
…
لسه قلبي مش ناسيك
كل همسه بتناديك
…
لسه روحي دايبه فيك
لسه عاشق لون عينيك
…
لسه فاكر المكان
اللي جمعنا زمان
كل يوم بامشى هناك
وافتكر أيام لقاك
…
كل لحظه ضحكنا فيها
لسه قلبي مش ناسيها
…
لسه فاكر الكلام
والحنين لا والغرام
…
وانتى ؟!
وانتى فاكره حبي ليك
وألا قلبي هان عليك
…
لسه فاكره ابتسامتي
ضحكتي صوتي وصمتي
…
لسه فاكره حبنا
واشتياقنا لبعضنا
…
باقي ايه من حلمنا
غير دموعنا وجرحنا
…
لو في قلبك ذكريات
للي كان بينا ومات
…
ردى قولي بعدتي ليه؟
وبعد حبك باقي ايه؟